Turmush — Кечээ, 23-мартта Кара-Буура районунун Шекер айылында өлжөй жана чарык уруусунун эли биргелешип, элет тургундарына сый тамак тартуулашты. Бул тууралуу уюштуруучулар билдиришти.

«Айылыбыздагы 2 уруу биригип, айыл элинин башын бириктирип, сый тамак уюштуруп бердик. Бул иш-чараны жыл сайын ар бир уруу кезектешип өткөрүп келишет. Күркүрө Маданият үйүнүн жетекчиси Самат Рыспаевдин жетекчилиги алдында концерт уюштурулуп, элге майрамдык маанай тартууланды. Айылдык бюджеттен Арчагул айылына 20 миң сом, Шекер айылына 30 миң сом бөлүнүп, улуттук оюндарга байгелер коюлду», — деди алар.