Turmush — Саламаттыкты сактоо министринин мурдагы кеңешчиси Мээрим Тилекова камакта калтырылды.

Ысык-Көл облустук сотунун басма сөз кызматы Turmush басылмасына билдиргендей, Ысык-Көл облустук сотунун 2022-жылдын 28-июнундагы токтому менен Каракол шаардык сотунун тергөө судьясынын 2022-жылдын 15-июнундагы токтому өзгөртүүсүз калтырылган.

Мээрим Тилекованын жакындары тергөө жүрүп жатканда ал үй камагында болушун суранышкан.

——————————————

Тилекова Мээрим Тилековна 1993-жылы 3-июлда Жети-Өгүз районунун Барскоон айылында туулган.

2022-жылы 29-апрелде саламаттыкты сактоо министри Алымкадыр Бейшеналиев Мээрим Тилекованы министрдин кеңешчиси кызматына дайындоо тууралуу буйрукка кол койгон.

Кийинчерээк саламаттыкты сактоо министринин орун басарынын Мээрим Тилекова 2022-жылдын 16-майынан тарта саламаттыкты сактоо министринин кеңешчиси кызматынан бошотулганы тууралуу буйругу чыкканы маалым болгон.

Буга чейин Саламаттыкты сактоо министри Абдыкадыр Бейшеналиевдин кеңешчиси — 1993-жылы туулган Мээрим Тилекова Бишкек шаарынын аймагынан кармалганы маалымдалган.

УКМКнын маалыматына караганда, Мээрим Тилекова Кылмыш-жаза кодексинин 343-беренесинде каралган (Опузалап пара талап кылуу) кылмыштын негизинде тергөөгө чейинки текшерүүнүн материалдарынын алкагында андан аркы тергөө амалдарын уюштуруу үчүн кармалып, Каракол шаарына жеткирилген.