Turmush — Ош облусунун аймагында уурулукка шектелген 2 жаран кармалды. Бул тууралуу Ош ОИИБдин басма сөз кызматы билдирди.

Облус аймагында кылмыш иликтөө бөлүмү тарабынан 21-22-ноябрь күндөрү «Уурулук» аталышындагы рейд өткөрүлүүдө.

Рейддик иш-чаранын алкагында уурулукка шектелип мурда бир нече жолу сот жообуна тартылган Кара-Суу районунун тургундары — 2000-жылы туулган М.И. жана 1987-жылы туулган Х.Ф. кармалып, камакка алынды.

Ыкчам тергөө амалдарынын негизинде шектүүлөр бир нече жарандын үйлөрүнө кирип, үй буюмдарын уурдап кетишкендиги аныкталды. Бүгүнкү күндө алардын уурулук боюнча 5 фактыга тиешеси бар экени такталды.

Аталган фактылар боюнча Кылмыш-жаза кодексинин 205-беренеси (уурдоо) боюнча кылмыш иши козголду. Учурда ыкчам тергөө иштери улантылууда.