Turmush — Ош шаарынын Ленин проспектисинде нан фестивалы өтүүдө, деп билдирди аймактык кабарчы.

Фестивалга жергиликтүү тургундар, мекеме-ишканалардын кызматкерлери ундан жасалган азыктарды алып келишкен. Нандын ондогон түрлөрү коюлган. Эң чоң нанды өндүрүштүк ишкана жасап келген. Нандын салмагы 10 килограммды түзөт.

Ошону менен катар тортко президент Садыр Жапаров менен УКМКнын төрагасы Камчыбек Ташиевдин сүрөтүн түшүрүп жасап келишкен.

• Бүгүн, 31-августта Ош шаарында Кыргыз Республикасынын эгемендүүлүгүнүн 32 жылдыгына арналган масштабдуу майрамдык иш-чаралар өтөт.