Turmush — Бүгүн, 20-мартта Каракол шаарынын борбордук аянтында Нооруз майрамына карата Ысык-Көл ОИИБдин гарнизондук бөлүштүрүү иш-чарасы болуп өттү.

Иш-чарага КР президентинин Ысык-Көл облусундагы ыйгарым укуктуу өкүлү Уланбек Далиев, Каракол шаарынын мэриясынын өкүлдөрү жана башкалар катышты.

Ысык-Көл облустук ички иштер башкармалыгынын башчысы Орунбай Кочкоров өздүк курамды кызматтык милдеттерин абийирдүү аткарууга, коомдук коопсуздукту сактоо, мыйзам бузууларга жол бербөө боюнча чараларды күчөтүүгө, жарандарга карата сылык жана кылдат мамиле жасоого чакырды.

Иш-чара Ысык-Көл облустук ички иштер башкармалыгынын өздүк курамынын салтанаттуу маршы менен аяктады.