Turmush — Нарын облусунун аймагында таштар түшкөн жолдор тазаланууда. Бул тууралуу Нарын ОИИБ боюнча ЖКККБдан билдиришти.

Маалыматка ылайык, Кызарт, Долон, Кызыл-Бел, Кара-Гөө жана Кубакы ашууларында жана Бишкек—Нарын—Торугарт унаа жолдорунда унаа каражаттарынын кыймылы үзгүлтүксүз уланып, тайгакка каршы инерттик материалдарды себүү көзөмөлгө алынууда.

Ал эми Бишкек—Нарын—Торугарт унаа жолунун 262-чакырымында жана Жумгал районунун Арал—Миң-Куш унаа жолунда таштар түшүп, тазалоо иштери уюштурулууда.

Жол кырсыктарын алдын алуу жана материалдык чыгымдарды болтурбоо максатында посттор уюштурулуп, унаалардын ортосундагы белгиленген кыймыл аралыкты сактоо боюнча түшүндүрүү иштери жүргүзүлүүдө.