Turmush — Нарында журналисттер арасында жарыяланган сынактын жеңүүчүлөрү аныкталып, сыйлоо аземи болуп өттү. Бул тууралуу аймактык кабарчы билдирди.

Маалыматка караганда, белгилүү тележурналист Вадим Карпеков атындагы коомдук фонду тарабынан эл арасындагы кол өнөрчү, уста, сүрөтчү жана башка өнөр ээлеринин эмгектерин элге жайылтуу максатында облус аймагындагы журналисттер арасында сынак уюштурулган.

Сынак 3 багыт боюнча («Мыкты телесюжет», «Мыкты гезиттик материал», «Мыкты маалымат») жарыяланган. Анын жыйынтыгы атайын түзүлгөн комиссия тарабынан чыгарылып, жеңүүчүлөргө диплом жана акчалай сыйлыктар тапшырылды.