Turmush — Чүй облусунун Кемин райондук салык кызматынын мурунку жетекчиси Ренат Саткынов жол кырсыгынан каза болду. Бул тууралуу аймактык кабарчыга жергиликтүү тургундар билдиришти.

Жол-транспорт кырсыгы 26-сентябрда катталган. 40 жаштагы Ренат Саткынов унаада жалгыз болгон.

Кемин райондук мамлекеттик администрациясы маалыматты тастыктап, анын сөөгү бүгүн, 28-сентябрда Ильич айылында акыркы сапарга узатылганын билдирди.

Ренат Саткынов Кемин райондук салык кызматынын башчысы кызматында иштеп келген. Бир ай мурун бул кызматтан өз каалоосу менен арыз жазып кеткен.