Turmush — Ош облусунун Кара-Суу районунда эркек кишинин жансыз денеси асынган абалда табылды.

Ош облустук ички иштер башкармалыгынын басма сөз кызматынын маалыматы боюнча, кечээ, 20-апрелде Кара-Суу РИИБдин нөөмөт бөлүмүнө Мады айылынын 39 жаштагы тургуну каза болгондугу тууралуу кабар келип түшкөн. Аталган факт Кара-Суу РИИБдин электрондук журналына катталып, тергөө амалдары башталган.

«Алгачкы текшерүүнүн жүрүшүндө маркум Мады айыл аймагынын тургуну — 1983-жылы туулган Т.Ө. экендиги аныкталган. 20-апрель күнү саат 12:00 чамасында маркумдун атасы үйүндөгү отункананын эшигин ачкан учурда Т.Ө. жипке асынып алган абалда табылган. Ошондой эле маркумдун жакын туугандары арыз жазуудан жана маркумдун жансыз денесин соттук-медициналык экспертизадан өткөрүүдөн баш тартышты. Учурда маркумдун эмне себептен өз жанын кыйгандыгын тактоо иштери улантылууда», — деп айтылат маалыматта.