Turmush — Чүй облусунун Сокулук районуна караштуу Новопавловка айыл аймагындагы тургундар таштанды жайдан чыккан кара түтүн боюнча нааразы болушууда.

«Бул таштанды жай Тынчтык, Арал, Ата-Журт конуштарынын тушунда жайгашкан. Анын уюшулганына беш-алты жыл болду. Ошондон бери түтөп келет. Жыл өткөн сайын түтүнү күчөп бара жатат. Айыл эли эмне гана көргөн жок. Бийлик тараптан эч аракет көрүлгөн жок», — деди алар.

Видео 28-август күнү тартылган.

Сокулук райондук мамлекеттик администрациясы таштанды жайды белгисиз балдар өрттөп коюшканын билдирди.

«Жаш балдар өрттөп коюшкан экен. Ал жер өчүрүлүп, тиешелүү чаралар көрүлүп жатат», — деп айтылат маалыматта.