Turmush — Баткен ОИИБдин баңгизаттарды мыйзамсыз жүгүртүүгө каршы күрөшүү кызматынын алынган ыкчам маалыматтарынын негизинде ыкчам иш-аракеттер жүргүзүлүп, Лейлек районунун тургуну өзүнө тиешелүү унаада баңгизатын алып бараткандыгы белгилүү болду. Бул тууралуу Баткен ОИИБдин басма сөз кызматынан билдиришти.

Баткен ОИИБдин ыкчам кызматкерлерине Чүй ОИИБдин Ыссык-Ата РИИБдин жана чек ара кызматкерлеринин берген жардамы менен Лейлек районунун 38 жаштагы тургуну 2022-жылдын 9-апрель күнү Кыргыз Республикасы менен Казак Республикасынын ортосундагы Чүй облусунун Ыссык-Ата районунундагы чек ара өткөрмө постунан кармалды.

Текшерүү иштеринин алкагында 12 таңгактагы баңгизаттын жалпы салмагы 24 килограммды түзгөн. Бул факты Баткен ОИИБдин КЖБРне Кыргыз Республикасынын Жазык кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен катталып, тергөө иштери жүрүп жатат.