Turmush — Каракол шаарынын аймагында 10-24-май күндөрү мобилдүү клиника иш алып барды. Бул тууралуу Turmush басылмасынын аймактык кабарчысы билдирди.

Маалыматка караганда, Ысык-Көл облустук бириккен ооруканасынын дарыгерлери шаардын ар аймагында тургундарга медициналык кароо жүргүздү.

«Сарык оорусунун түрлөрүн, гепатит В, гепатит С илдетин аныктап жатабыз. Ошондой эле ВИЧ, сифилис сыяктуу жугуштуу ооруларды экспресс-тест менен аныктайбыз. Аны менен катар дарыгерлер УЗИ менен ички органдарды көрүп, кеңештерин берүүдө», — деди мобилдүү клиниканын координатору Айсулуу Надырбекова.

Аталган клиника 6 жылдан бери кызмат кылат. Караколдон кийин ал райондорго жөнөтүлөт.