Turmush — Ош облусунун Араван районунун аймагындагы орто мектептерди жаңы окуу жылына карата даярдоо иштери 95 пайызга аяктады. Бул туурлуу аталган райондун акиминин орун басары Музафар Мамасаидов билдирди.

Анын айтымында, мектептерди оңдоп-түзөө, актап-сырдоо иштери үчүн каражат республикалык, айыл өкмөттүк бюджеттен жана басымдуу бөлүгү демөөрчүлөрдүн эсебинен каржыланды.

«Араван районунда жалпы 57 мектеп бар. Анын 51и мамлекеттин балансында. Учурда баары оңдоп-түзөөдөн өттү», — деди Музафар Мамасаидов.

Ош облусу боюнча жалпы 527 орто мектеп бар. Анын ичинде 69 мектеп авариялык абалда. Андан сырткары Ош облусундагы жалпы 7 район боюнча курулшу башталып, бирок токтоп калган 40 мектеп бар.