Turmush — Бүгүн, 5-сентябрда Ысык-Көл облусунун Ак-Суу районунда чет элдик туисттерге жардам көрсөтүлдү. Бул тууралуу ӨКМдин басма сөз кызматы билдирди.

Маалыматка караганда, Жыргалаң айылынын Көк-Бел жайлоосунда эс алууга чыккан чет мамлекеттик 2 турист жолдон адашып, унаасы сазга тыгылып калгандыгы тууралуу билдирүү түшкөн.

Жерине ӨКМдин Тоо-кен куткаруу кызматынын 7-өзүнчө мобилдештирилген тоо-кен куткаруу взводунан 3 куткаруучу тартылып, унааны саздан сүйрөтүп, жолго чыгарып беришкен. Жабыркагандар жок.