Turmush — 3 күндөн бери Талас шаарынын борбордук базарында жашылча кымбаттады. Бул тууралуу аймактык кабарчы маалымдады.

Жергиликтүү соодагерлердин айтымында, помидордун 1 кг 90 сом, бадыраң 60 сомдон, пияздын 1 кг 50-60 сомго чейин сатылып жатат. Бул баалар кымбаттагандан кийинкиси. Анткени 3 күн мурун эле помидордун 1 кг 65-70 сомго, бадыраңдын 1 кг 35-40 сомго сатылып жаткан. Баалардын кымбатташына жүк ташуучу унаалардын көп каттабай калганы себеп болууда.

Жүк ташуучу унаалардын токтоп калышына чек арадагы мүчүлүштүктөр себеп болуп жатканы айтылууда.