Turmush — Чүй облусунун Жайыл районуна караштуу Федоровка айылына жакын жерде жол кырсыктан каза болгон 2 эркек кишинин жана жаракат алган аялдын өздүгү белгилүү болду.

«Turmush» басылмасынын кабарчысы билдиргендей, көз жумган адамдар жана жаракат алган аял Жайыл районунун Алтын айылынын тургундары. Алар:

— 1985-жылы туулган С.Р.,

— 1975-жылы туулган Б.И.,

— 1997-жылы туулган О.А. (аял киши).

О.А. Жайыл райондук ооруканасынын травматология бөлүмүнө жеткирилди.

Кырсык бүгүн, 9-октябрда саат 16:00 чамасында болгон.

Болжол менен «Hyundai Sonata» унаасынын айдоочусу рулга ээ боло албай калган. Унаа жолдун жээгиндеги бакты сүзгөн. Анын ичинде 3 адам бар болчу.

Унаанын ичиндеги адамдарды сыртка чыгаруу үчүн куткаруучулар чакырылган.

Кырсыктын кесепетинен айдоочу жана 1 жүргүнчү (эркек кишилер) каза болду. Унаанын артында отурган аял киши оор абалда болчу. Аны тез жардам кызматкерлери алып кетишкен.