Turmush — Нарын облусунун Ак-Талаа районундагы Баетов айылынын көчөлөрү кардан тазаланды. Бул тууралуу аймактык кабарчы билдирди.

3 күндөн бери үзгүлтүксүз жааган кардан улам жергиликтүү тургундар көчөлөрдө баса албай, окуучулар мектепке жете албай, унаалар жүрө албай калган абалга келген.

Баетов айыл өкмөт башчысынын орун басары Улан Шерипбек уулу: «Көчөлөрдө унаалар жүргүдөй, жөө адамдар баса алгыдай шартта көчөлөрдү кардан тазалоо аракетин көрдүк. Бул үчүн жергиликтүү бюджеттен техникалардын күйүүчү майы үчүн каражат бөлүнүп, эки техника иш алып барды».