Turmush — Чүй облусунда рейд учурунда 50дөн ашык унаа айып короого киргизилди. Бул тууралуу Чүй ОИИБдин жол кыймылынын коопсуздугун камсыздоо бөлүмүнөн билдиришти.

Маалыматка караганда, Курман айт майрамына карата жана жол кырсыктардын алдын алуу, болтурбоо максатында 27-28-29-июнь күндөрү «Рулда» аталышындагы профилактикалык рейддик иш-чара өттү. Рейддин жүрүшүндө унааны мас абалда башкарган 15 айдоочу кармалып, 50дөн ашык унаа айып короого токтотулду.

«Чүй ОИИБ боюнча ЖКККБнын жетекчилиги мас абалында унаа башкарган жарандар 1 жылга унаа башкаруу укугунан ажырай турганын эскертет», — деп айтылат маалыматта.