Turmush — Айдаркен шаары түзүлгөндөн бери 5 мэр иштеди. Аймактык кабарчы алар менен тааныштырат.

Айдаркен шаары 2012-жылы 27-сентябрда райондук маанидеги шаар макамын алган. Шаар Баткен облусунун борборунан 60 км, ал эми Кадамжай районунун борборунан 46 км аралыкта жайгаш

Шаардын тарыхы сымап өндүрүү менен тыгыз байланыштуу. Айдаркен шаары кыргыз улутундагы жарандар отурукташкан жерде 1942-жылы шаарды түптөөчү сымап руднигинин алдында түптөлгөн. Айдаркен сымап кени чыгуучу жайы 1914-жылы ачылып, дүйнөдөгү эң ири болгон Испаниядагы Алмаден кен чыгаруучу ишканасынан кийинки эле кен болуп саналат.

Улуу Ата мекендик согуш жылдарында 1941-1945-жылдарда Украина СССРнин Донецк областынан «Никитов» сымап комбинатынын жабдуулары алынып келинген. Донецктеги «Никитов» сымап комбинаты тынчтык мезгилде бул баалуу сырьену өндүрүүчү жалгыз завод болгон. Ал 1941-жылдын аягында толугу менен Айдаркенге көчүрүлгөн.

Шаарды жетектегендер:

— Мукумов Момунжан 2013-жылдан 2015-жылга чейин;

Момунжан Мукумов

— Козубаев Абдыразак 2015-жылдан 2017-жылга чейин;

Абдыразак Козубаев

— Мумбаев Мухубилла 2017-жылдан 2019-жылга чейин;

— Астанакулов Байышбек 2019-жылдан 2022-жылдын май айына чейин;

Байышбек Астанакулов

— 2022-жылдын июнь айынан тарта Мурзажанов Алтынбек мэр болуп иштеп келе жатат.

Алтынбек Мурзажанов