Turmush — Баткенде таза суу тармагын тейлөө үчүн 4,5 млн сомдук жабдык, шаймандар алынды. Бул тууралуу облус жетекчилигинен кабарлашты.

Маалыматка караганда,Кадамжай районунун Майдан, Үч-Коргон, Кыргыз-Кыштак жана Исхак-Полотхан айыл аймактарынын, Баткен районунун Самаркандек жана Ак-Татыр айыл аймактарынын, Лейлек районунун Сумбула жана Бешкент айыл аймактарынын айыл өкмөттөрүнө кеңсе жабдуулары жана суу системасын тейлөөгө керектүү шаймандар тапшырылды. 1 млн 87 миң 578 сомдук кеңсе жабдуулары жана суу системаларын эксплуатациялоого керектүү 3 млн 403 миң 800 сомдук шаймандар алынган.

Аймактагы ичүүчү суу менен камсыздоо ишканаларынын техникалык базасын чыңдоо долбоорунун негизинде Баткен облусунун жалпы 43 айылын суу менен камсыздоо боюнча иштер жүрөт.