Turmush — Баткен облус аймагында «Мал уурулук» иш-чарасы башталды. Бул тууралуу Баткен ОИИБдин басма сөз кызматы кабарлады.

Маалымтка караганда, милиция кызматкерлери тарабынан «Мал ууру» рейди башталып, иш-чаранын алкагында шаар аймагына стационардык посттор коюлуп, ветеринардык кызматтын кызматкерлери менен биргеликте текшерүүлөр жүргүзүлүүдө. Облус аймагындагы мал базарлар текшерилип, келген элге мал уурулукту алдын алуу, кылмыштуулукту болтурбоо боюнча түшүндүрүү иштери уюштурулду. Эт саткан дүкөндөр, мал союулуучу жайлар көзөмөлгө алынып, уурдалган малдын этин сатпоо жагы түшүндүрүлүүдө.

Бул иш-чара 10-февралга чейин жүргүзүлөт.