Turmush — Ат-Башы районунда бала бакчалар жетишсиз. Бул тууралуу райондук билим берүү бөлүмүнөн кабарлашты.

Маалыматка караганда, учурда райондо бала бакча муктаждык 46% түзөт.

Жергиликтүү тургун Айжан Сабырбекованын айтымында, 4 баласынын бирөө гана бала бакчага барган.

«Ат-Башы районуна келин болуп келгениме 10 жылдан ашты. Учурда 4 балам бар. Алардын бирөө гана бала бакчага барды. Калгандары бала бакчада орун жок болгондуктан бара алган жок. Азыр дагы кичүү балам 2 жашта. Аны дагы берейин десем орун жок болгондуктан бере алган жокпуз. Бул көйгөй менде гана эмес башка көп ата-энелерде бар», — деди ал.

Ат-Башы райондук билим берүү бөлүмүнөн билдиргендей, учурда аталган райондо бала бакчага кезекте турган 146 бала бар. Жалпы райондо 22 бала бакча иштейт.