Turmush — Бишкекте Кыргызстан менен Казакстандын спортчуларынан турган 16 команданын катышуусунда эркин күрөш боюнча эл аралык турнир өттү.

Турнирге 2009-2013-жылдары туулган уландар катышты.

Жайыл районунан машыктыруучу Нуржан Сүймөналиевдин жетекчилиги астында алты жаш балбан спорттук турнирге катышып, жеңиш казынасына алтын жана коло медалдарды алып келишти.

41 кг салмакта Азамат Дуулатов 1-орунду ээледи, машыктыруучусу Руслан Атакеев. 38 кг салмакта Аслан Анарбеков 3-орунду ээледи, машыктыруучу Кенжебек Абдраев.

Жеңүүчүлөр жана экинчи орунга ээ болгондор турнирдин уюштуруучулары тарабынан эстелик медалдар, дипломдор жана баалуу сыйлыктар менен сыйланышты. Бардык салмактагы чемпиондорго чемпиондук курлар ыйгарылды.