Turmush — Чүй облусунун Токмок шаарында бир аптанын ичинде 4 жолу жол кырсыгы катталды.

Аймактык кабарчыга белгилүү болгондой, 18-августта учак эстелигинин жанынан жеӊил унаа аварияга учурап, бир киши жабыркаган.

Ал эми 20-август күнү Бишкек—Торугарт—Нарын айланма жолунда бир күндө 2 унаа кырсыгы катталып, жалпысынан 10 киши жабыркап, анын тогузу ооруканага кайрылган. 21-август күнү ушул эле айланма жолдо эки унаа сүзүшүп, анда бир киши жабыркап, 4 жаштагы бала каза болуп калган.