Turmush — Кечээ, 9-майда Ысык-Көл облусунун Тоң районуна караштуу Бөкөнбаев айылында Улуу Жеңиштин 77 жылдыгына арналган салтанаттуу иш-чара болуп өттү. Бул тууралуу аймактык кабарчы билдирди.

Маалыматка караганда, майрамык иш-чарага Тоң райондук мамлекеттик администрациясынын башчысы Байышбек Астанакулов, райондук мекеме-ишканалардын жетекчилери жана кызматкерлери, согушка катышкандардын жана оорукта эмгектенгендердин үй-бүлөлөрү, мектеп окуучулары, айыл тургундары катышты.

Улуу Ата Мекендик согушта курман болгондорго арналып тургузулган эстеликке гүлчамбарлар коюлуп, каза болгондорго багышталып Куран окулуп, асманга ок атылды.

Иш-чараны Күн-Чыгыш айыл аймагынын башчысы С.Монолдоров ачып, куттуктоо сөзүн Тоң райондук мамлекеттик администрациясынын башчысы Б.Астанакуловго берди. Райондун башчысы салтанаттын катышуучуларын 9-май — Улуу Жеӊиш күнү менен куттуктап, эл-журтубузга тынчтык, аманчылык, бейпил жашоо каалады. Иш-чаранын соңунда катышуучуларга концерттик программа тартууланды. Андан соң район акими Б.Астанакулов орукта эмгектенген ардактуу ата-апаларыбызды майрамы менен куттуктап, акчалай белегин тапшырды.