Turmush — Ат-Башы районунда күндүз жылуу болгону менен эртең менен жана кечинде суук болуп жатат. Тактап айтканда сууктун күчү -7 жана -8 болууда. Муну менен айрым тургундар быйыл суук эрте түшкөндүгүн айтышууда.

Буга чейин Кыргызгидромет Кыргызстандын аймагында кийинки жумада абанын температурасы төмөндөрүн эскерткен.

Учурда абанын күндүзгү орточо температурасы +23 болуп жатат. Жакынкы эки күндө +26…+28 градус болушу күтүлөт.

Ал эми кийинки жумада абанын температурасы +16…+19 болушу ыктымал. Өлкөнүн түштүк аймагында жылуу аба ырайы сакталат. Айрым аймактарда жаан-чачын болот.