Turmush — Нарын облусунун тургуну Ажар Дюшеналиева Оштун Кара-Суу районунда чыгарылып жаткан каймактын сыртында жазылган каталар боюнча өзүнүнүн социалдык баракчасына жазып чыкты.

«Ооз бекитерде алыскы Ош облусунун Кара-Суу районуна караштуу Кызыл- Кыштак айыл аймагынын Ленин көчөсүндөгү үйдөн даярдалып чыккан каймак (сметана) менен чай ичип жатып, кыргыз тилин өксүткөн чоң катаны байкадым. Анда өзүңөр көрүп тургандай, «Майлүлүгү» деп жазылган. Сырты ушундай оркойгон каталар менен жазылган каймак өлкөбүздүн булуң-бурчун аралап жүрөт. Бул кыргыз тилине болгон сый урматтын жоктугу», — деди ал.