Turmush — Нарын шаарында уурулукка шектелип 2 жаран кармалды, деп билдирди ОИИБдин басма сөз кызматы.

Жабырлануучу милиция кызматына 23-январда саат 13:25 чамасында кайрылып, шаардын Сөң-Көл аймагында жайгашкан дүкөндөн 65 000 сом уурдалганын билдирген. Аталган факт КР Кылмыш-жаза кодексинин 205-беренеси (уурулук) менен катталып, ыкчам иштер жүргүзүлдү. Нарын ШИИБдин ыкчам тобу тарабынан көп узабай 2 шектүү кармалды.

Алар:

— Нарын районунун 2005-жылы туулган тургуну Н. у. И.;

— Бишкек шаарынын 2006-жылы туулган тургуну С.З.

Шектүүлөр убактылуу камакка алынып, Бишкек шаарындагы уурулукка байланышы такталып жатат. Тергөө иштери уланууда.