Turmush — Чүй облусунун Москва районуна караштуу Ак-Суу айыл аймагынын Чоң-Арык айылында жаңы спорт комплекси пайдаланууга берилди. Бул тууралуу жергиликтүү тургундар билдирди.

Маалым болгондой, Ак-Суу айыл аймагына караштуу 7 айылдын бири Чоң- Арыкта 2 миңге жакын адам жашайт.

«Ак-Суу айыл аймагындагы 7 айылдын баары, башкача айтканда Төмөн-Суу, Бала-Айылчы, Ак-Башат, Ак-Торпок, Мураке, Кепер-Арык жана Чоң-Арык делип, кыргызча аталышка ээ. Ошондой эле элибиздин басымдуу бөлүгү мал жана айыл чарбасы менен алектенип, жаштарыбыз айылдын инфратүзүмүн жакшыртууда көп аракеттерди жумшады. Алар өз чөнтөгүнөн 2 миллион сомдон ашык каражат жумшап, жаңы заманбап спорт комплексин куруп беришти. Анда, бассейин, атайын залдар жана толук шарттар, спорттук жабдуулар бар», — деди жергиликтүүлөр.