Turmush — Кечээ, 17-январь күнү Кара-Буура районунда «Атам, апам үчөөбүз-дени сак үй-бүлөбүз» аталышындагы мелдеш өткөрүлдү. Бул тууралуу акимчиликтен билдиришти.

Маалыматка караганда, мелдешке райондун айыл аймактарынан келген 8 команда катышты. Алдыңкы орунга чыккан командаларга диплом жана акчалай сыйлыктар тапшырылса, ал эми активдүү катышкан үй-бүлөлөр да атайын даярдалган кызыктыруучу сыйлыктар менен сыйланышты. Ал эми 1-орунга ээ болгон Ак-Чий айыл өкмөтүнөн келген Эрбол Субаналиевдин үй-бүлөсү алдыда боло турчу облустук мелдешке катышат.