Turmush — Аламүдүн районунда ант берүү салтанатына барган аскердик унаа кырсыкка кабылды.

Күбөлөрдүн айтымында, кырсыктан ант берген жоокерлердин он чактысы жаракат алган.

Окуя бүгүн, 27-августта «Ата-Бейит» комплексинин аймагында болгону айтылып жатат.

Чүй ОИИББ боюнча ЖКККБнын басма сөз кызматы маалыматты тастыктап, аскердик унаа бакты сүзүп, жол кырсыгына кабылганын билдирди. Натыйжада айдоочу жана 7 курсант жабыркаган.

«2022-жылы 27-август күнү болжол менен саат 12:40 чамасында Аламүдүн—Арашан—Кой-Таш унаа жолунун 7-чакырымында түштүктөн түндүктү көздөй бара жаткан «МАЗ-5334» үлгүсүндөгү унаанын айдоочусу рулга ээ боло албай, жолдун оң жагына чыгып, бакты сүзгөн», — деп айтылат маалыматта.