Turmush — Чүй облусунун Ысык-Ата районунан өткөн Норус суусу тоңуп, өз деңгээлинен жогорулады. Анын кесепетинен Журналистика-1 дачасындагы турак үйлөрдүн н короосун суу каптады. Бул тууралуу аймактык кабарчыга райондук мамлекеттик администрациясынан билдиришти.

Маалыматка ылайык, суу өз нугунан чыгып, Үч-Эмчек айылынын жогору жагында жайгашкан Журналистика-1 дачасында эки жашоочунун короосуна суу кирип, ыңгайсыздык жараткан.

Бул кырдаал боюнча ӨКМдин «112» кызматына 14-январда саат 14:00 чамасында кабар түшүп, абалды жөнгө салуу үчүн Ысык-Ата райондук өзгөчө кырдаалдар бөлүмүнүн беш кызматкери, айыл өкмөтүнүн эки кызматкери жана аталган дачанын жергиликтүү тургундарынан беш киши иш алып барышты. 15-январь күнү саат 17:00дө суунун нугундагы муздар кол менен тазаланып, суу өз нугуна салынды.