Turmush — Ысык-Көл облусунун Жети-Өгүз районунда кадрдык өзгөрүүлөр болду.

Райондук администрациянын маалыматы боюнча, Мамлекеттик салык кызматынын Жети-Өгүз району боюнча башкармалыгынын башчысы кызмат ордуна Мамбетаитов Нурлан Турсуналиевич дайындалды.

Райондук социалдык камсыздоо жана миграция башкармалыгынын башчысы кызмат ордуна Жаанбаева Гүлбара Шаршенбиевна дайындалды.

«Айыл Банк» ачык акционердик коомунун Жети-Өгүз филиалынын жетекчиси болуп Сапаров Дамирбек Дүйшөнбеков дайындалды.

Жаңы жетекчилерди Жети-Өгүз райондук мамлекеттик администрация башчысы — аким Эрмек Бахавадинов район активине тааныштырды.

Ал эми Бектемирова Жыпаркүл Кутмүдүновна Жети-Өгүз райондук мамлекеттик администрация башчысы — акимдин орун басары болуп дайындалды. Тиешелүү буйрукка Министрлер кабинетинин төрагасы Акылбек Жапаров кол койду.