Turmush — Таласта​ Казакстанга 12 баш жылкыны уурдап өтүүгө шектелген адамдар кармалды. ​Бул тууралуу бүгүн, 24-февралда Талас ОИИБдин басма сөз кызматы

Маалыматка караганда, 2022-жылдын 5-декабрынан 6-декабрына караган түнү ​ ​ ​ Кара-Буура районунун Ак-Жар айылынын тургундары Б.Аскар уулуна жана И.Жолумбековго тиешелүү болгон 12 жылкы Ак-Жар айылынын түндүк батыш тарабындагы үлүш жерлерден уурдалып, Кара-Буура районуна караштуу Сатыкей айылы менен Казакстанды бөлүп туруучу чек ара зымынын №284 чек ара белгисинен Казакстанга өткөрүлүп кеткен. Аталган факты 2023-жылдын 1-январь күнү Кылмыш-жаза кодексинин 205-беренеси (уурдоо) менен Кара-Буура​ РИИБде катталып, тергөө амалдары жүргүзүлүп баштаган. Кылмыштын бетин ачуу максатында милиционерлер Казакстанга барып, атайын жумушчу топ менен ​ ыкчам аракеттерди жүргүзүп келишкен. Анын жыйынтыгында 21-февраль күнү кылмышка шектүүлөр кармалды. Алар Кара-Буура районунун Кара-Сай айылынын ​1976-жылы туулган тургуну Э. уулу М. ​жана ​Куру-Маймак айылынын ​1983-жылы туулган ​М.А. экендиги аныкталды.

Бүгүнкү күндө алар тергөөдө сурак берип, тийиштүү тергөө амалдары жана иликтөө иштери жүрүп жатат.