Turmush — Талас шаарында 100дөн ашуун карыя майрамдык иш-чарага катышты. Бул тууралуу шаардык мэриядан билдиришти.

Маалыматка караганда, иш-чара 1-октябрь — Эл аралык карылар күнүнө карата уюштурулду. Бүгүнкү күндө Талас шаарында 4840тан ашык пенсионер, ардагер бар. Майрамдык иш-чарага буга чейин мекемелерде үзүрлүү эмгектенген 100дөн ашык карыя чакырылды.

Иш-чаранын жүрүшүндө сый тамак менен кошо 50 жылдан ашык чогуу түтүн булаткан төрт үй-бүлөгө белектер тапшырылды. Майрамдык иш-чара Талас шаардык маданият бөлүмү, А.Огомбаев атындагы балдар музыкалык мектеби жана «Баластан» балдарга билим берүү борбору тарабынан даярдалган чакан концерттик программа менен коштолду.