Turmush — Кечээ, 11-июнь күнү Түп районунун Түп айылында жайгашкан В.Кайкин атындагы жалпы орто билим берүү мектебинин спорт залында кыз-келиндер арасында волейбол оюнунун райондук биринчилиги өткөрүлдү. Бул тууралуу Түп райондук спорт иштери боюнча инструктору Токтосун Кадыркул уулу билдирди.

Түп району боюнча 5 команда финалдык оюнга катышып, олжолуу орундарга ээ болгондорго кубок, медаль жана акчалай сыйлыктар тапшырылды.

— 1-орун — Михайловка айылынын кыз-келиндер командасы, баш байге 10 миң сом;

— 2-орун — В.Кайкин атындагы жалпы орто билим берүү мектебинин кыз-келиндер командасы, баш байге 7 миң сом;

— 3-орун — Талды-Суу айылынын кыз-келиндер командасы, баш байге 5 миң сом;

— 4-орун — В.Кайкин атындагы жалпы орто билим берүү мектебинин кыз-келиндер командасы 2, баш байге 3 миң сом;

— 5-орун — Шаты айылынын кыз-келиндер командасы, баш байге 2 миң сом.

Мелдеш президент Садыр Жапаровдун «Инсандын руханий-адеп-ахлактык өнүгүүсү жана дене тарбиясы жөнүндө» жарлыгынын алкагында уюштурулду.