Turmush — Түп РИИБдин жаш өспүрүмдөр менен иштөө инспекциясы окуучулар кышкы каникулга чыккандыгына байланыштуу балдар катышкан бөөдө кырсыктардын алдын алуу максатында муз аянтчаларында түшүндүрүү иштерин жүргүзүп жатат. Бул тууралуу аталган инспекциянын улук инспектору Каныбек Асанов билдирди.

Анын айтымында, кызматкерлер Кең-Суу, Ой-Тал, Түп, Байзак, Сары-Булак айылдарындагы муз жана чана тебүү аянттарында иш алып барышкан.