Turmush — Ош шаардык жолдор башкармалыгы тарабынан Ленин көчөсүн бойлой жолдун эки тарабына тротуар куруу иштери жүрүп жатат. Бул туурадуу шаардык мэриясынын басма сөз кызматынан билдиришти.

Маалыматка караганда, иштин жалпы узундугу 5 чакырымды түзөт. Тротуардын туурасы эки тараптан 2,25 метр. Оңдоп-түзөө иштерин бул жылдын төртүнчү кварталынын аягына чейин бүткөрүү пландалууда.

Быйыл Ош шаарында 38 көчөнүн боюндагы тротуарлар реконструкцияланат. Бардык жумуштарды ушул жылдын аягына чейин бүтүрүү мерчемделүүдө.