Turmush — Ош шаарында жол тазалаган кызматкерлерге жол кайгуулчулар ысык чай уюштурушту. Бул тууралуу Ош ШИИБ боюнча милициянын кайгуул кызматынын басма сөз кызматы билдирди.

Бүгүн, 14-январга караган түнү Ош шаарынын аймагында суук -21 градуска чейин жетти. Жолдорго муз тоңуп калбоосу үчүн «Ош-Тазалык» ишканасынын кызматкерлери түнү менен жол тазалашты.

«Ош ШИИБ боюнча милициянын кайгуул кызматынын кызматкерлери «Тазалык» ишканасынын кызматкерлеринин коопсуздугун сактоо менен биргеликте ысык чай, тамак уюштурушту», — деп айтылат маалыматта.