Turmush — Бүгүн, 20-мартта Ноокен районунун борбордук стадионунда Нооруз майрамы белгиленди, деп билдирди аймактык кабарчы.

Майрамдык иш-чарага Ноокен райондук мамлекеттик администрациясынын башчысы—аким Таалайбек Ишенбеков баштаган жергиликтүү бийлик өкүлдөрү, мекеме-ишканалардын жетекчилери, район тургундары катышты.

Анда сценка, концерттик программа, спорттук оюндар менен уюштурулду.

Миңден ашык адамдын катышуусунда өткөн майрамдык иш-чарага карата 7 боз үй тигилип, КР президентинин 2022-жылдын 20-майындагы №157 «Улуттук нарк жөнүндөгү» жарлыгынын алкагында кыргыздын каада-салты, тамак-ашы, кол-өнөрчүлүгү даңазаланды.

Мындан сырткары сүмөлөк кайнатылып, жармаңке уюштурулду.