Turmush — Ноокат районунда экстремисттик уюмдун идеологиясын жайылткан деген шек менен жергиликтүү тургун кармалды. Иш КР Кылмыш-жаза кодексинин 332-беренеси (экстремисттик материалдарды даярдоо, таратуу) менен козголуп, соттун кароосуна өткөрүлдү, деп билдирди Ош ОИИБдин басма сөз кызматы.

«25 жаштагы Т. уулу Ж. Кыргыз Республикасынын аймагында ишмердүүлүгүнө тыюу салынган диний экстремисттик уюмдун идеологиясын таратып, материалдарын сактап, социалдык түйүн аркылуу таратып жүргөнү аныкталган», — деп айтылат расмий маалыматта.