Turmush — Баткен облусунун чек ара аймактарындагы мигранттардын үй-бүлөлөрүнө экономикалык абалды кеңейтип, психологиялык колдоо алуу мүмкүнчүлүгү пайда болду. Бул тууралуу Баткен шаардык мэриясынын басма сөз катчысы билдирди.

Маалыматка караганда, долбоор Баткен районунун Самаркандек, Кара-Бак, Суу-Башы жана Төрт-Гүл айыл аймактарында ишке ашырылат.

Долбоордун 1-компонентинде чек ара аймагында жашаган 20 аял тандалат. Ошондой эле эң мыкты деп тандалган бизнес-планы бар 16 катышуучунун ар бирине кайтарымсыз 540 евро өлчөмүндө грант менен жабдуулар жана шаймандар сатып алып берилет.