Turmush — Кечээ, 7-сентябрда Баткен шаарындагы 6-7 балалуу аялдар «Баатыр эне» жана «Эне даңкы» төш белгилери менен сыйланышты.

Маалым болгондой, 7 же андан ашык балдары бар 6 аял «Баатыр эне» ордени менен сыйланса, 6 баласы бар 7 аялга «Эне даңкы» медалы ыйгарылды. Баатыр энелердин ичинде эң улуусу 70 жашта, ал эми эң жашы 31 жашта.

Баткен шаардык мэриясынан билдиргендей, 2009-жылдан 2022-жылга чейин Баткен шаарында жалпы «Эне даңкы» медалы менен 159 аял жана «Баатыр эне» ордени менен 312 эне сыйланган. Баатыр энелердин арасынан 189 аял пенсия курагына жете электер.