Turmush — Баткен шаарында 5 көчөнүн аталышы өзгөртүлдү. Бул тууралуу мэрия кабарлады.

Маалыматка караганда, мындай чечимди шаардык кеңештин VII чакырылышынын депутаттары 2023-жылдын 7-декабрындагы сессиясында кабыл алышкан.

Төмөнкү көчөлөрдүн аталыштарын өзгөртүүгө макулдук берилди:

— Баткен шаарынын Базар-Башы аймактык башкармалыгынын Бийиктик көчөсүнүн аталышын Баатырбеков Манас деп өзгөртүүгө;

— Баткен шаарынын Келечек аймактык башкармалыгынын Тамаша-Жай-1 көчөсүнүн аталышын Мусаев Улан деп өзгөртүүгө;

— Баткен шаарынын Келечек аймактык башкармалыгынын Н.Байсалов көчөсүнүн аталышын Тажибаев Мөөланбек деп өзгөртүүгө;

— Баткен шаарынын Базар-Башы аймактык башкармалыгынын Келечек көчөсүнүн аталышын Ташбеков Ачылбек деп өзгөртүүгө;

— Баткен шаарынын Базар-Башы аймактык башкармалыгынын Токтогул-Олуя конушунун №3 көчөсүн Мухамадиев Аскарали деп атоого.