Turmush — Аламүдүн районунда алдамчылыкка шектелген жаран кармалды. Бул тууралуу Чүй ОИИББдин басма сөз кызматы билдирди.

Маалыматка ылайык, Аламүдүн РИИБге Э.Ч. аттуу жаран арыз менен кайрылып, А.А. аттуу жаран 1-сентябрда алдоо жолу менен «Мазда Демио» автоунаасын айдап, ошол бойдон изин жашырып кеткенин билдирип, ага чара көрүүнү суранган.

Аталган факт Аламүдүн РИИБ тарабынан КБРга Кылмыш-жаза кодексинин 209-беренеси (алдамчылык) менен катталып, кылмыш иши козголгон.

19-сентябрь күнү Аламүдүн РИИБдин кызматкерлеринин жүргүзүлгөн ыкчам иликтөө иш-чараларынын жүрүшүндө кылмышка шектелген жаран — 1993-жылы туулган А.А.нын жүргөн жери такталып, колго түшүрүлгөн.