Turmush — Жалал-Абад облусунда сууга агып кеткен жарандын жансыз денеси табылды. Бул тууралуу ӨКМдин басма сөз кызматы билдирди.

Кечээ, 10-июнь күнү Бишкек—Ош унаа жолуна жакын жайгашкан Итагар жайлоосуна 3-4 үй-бүлө эс алууга келишкен. 1983-жылы туулган Т.К. суу боюнда сүрөткө түшүп жатып, таштын үстүнөн сыйгаланып жыгылып, Итагар суусуна агып кеткен.

Жерине 5 куткаруучу тартылып, Итагар суусунун жээгинде болжол менен 10 чакырымдай аралыкта издөө иштерин жүргүзүшүп, кеч кирип кеткендигине байланыштуу жумуш убактылуу токтотулган.

Бүгүн, 11-июнь күнү издөө иштери куткаруучулар тарабынан улантылып, саат 09:30да аталган жарандын жансыз денеси табылып, суудан чыгарылып, РИИБдин кызматкерлерине өткөрүлүп берилди.