Turmush — Ош облусунун Ноокат районундагы 20 жылдык бүтүрүүчүлөр гимназиянын алдына асфальт төшөп беришти.

Райондогу Мурза Гапаров атындагы жөндөмдүү балдар жатак-гимназиянын 20 жылдык бүтүрүүчүлөрү жакынкы жылдардан бери мектептин маселелерин чечүүнү салтка айлантып алышкан. Мектеп директору Акмарал Тиллаева быйылкы 20 жылдык бүтүрүүчүлөр да көп жылдан бери чечилбей келген маселени чечип беришкенин айтат.

«Бүтүрүүчү окуучулардан 8 жигит демилге көтөрүп, демөөрчү болуп, гимназиянын ашканасынын алдына 20 тонна асфальт төшөп беришти. Ошондой эле 60 жылдан бери турган эски дарбазаны жаңысына алмаштырышты», — дейт мектеп директору.