Turmush — Каракол шаарында Улуу Жеңиштин 79 жылдыгы белгиленип жатат. Бул тууралуу Turmush басылмасынын аймактык кабарчысы билдирди.

Маалым болгондой, ага шаар тургундары, жергиликтүү бийлик өкүлдөрү, аскер кызматкерлери, ардагерлер катышууда. Митинг-реквиемде согушта курман болгон жоокерлерге арналган түбөлүк отко гүлчамбарлар коюлуп, эскерүү мүнөтү жарыяланып, аскердик залп атылды. Талаа ашканасы уюшулуп, аскер боткосу берилди.

Иш-чаранын экинчи бөлүгүндө шаардын борбордук аянтында согуш жылдарындагы ырлар аткарылып, концерттик программа тартууланат.

Каракол шаарында Улуу Жеңиштин 79 жылдыгын ооруктун 5 ардагери тосуп жатат. Алардын эң улуусу 94 жашта болсо, эң кичүүсү 87 жашт.

Ардагерлер:

94 жаштагы Егор Колесников;

92 жаштагы Мария Астахова;

91 жаштагы Турдукан Амердинова;

90 жаштагы Исаева Какен;

87 жаштагы Зайнагүл Абдиева.

Орук ардагерлерин кечээ, 8-майда жергиликтүү бийлик, аскер адамдары куттуктап, акчалай белектерди тапшырган.