Turmush — Улуу Ата Мекендик согушка Чүй облусунун Москва районунан 11 миң 680 адам катышып, алардын ичинен 5 миң 234 жоокер кандуу майданда каза тапкан. Калган 6 миң 446 жоокер кичи мекенине кайтып келген. Ал эми өзгөчө эрдик көрсөткөн 6 адамга Советтер союзунун баатыры наамы берилген. Алар:

1. Мирошниченко Николай Прокофьевич, 1920-жылы туулган;

2. Степаненко Василий Васильевич, 1923-жылы туулган;

3. Сущев Степан Захарович, 1914-жылы туулган;

4. Пономарьев Павел Сергеевич, 1924-жылы туулган;

5. Гавриш Иван Фомич, 1920-жылы туулган;

6. Вертиков Алексей Георгиевич, 1922-жылы туулган.

Советтер союзунун баатырлары Мирошниченко Николай Прокофьевичтин ысымы Садовой айылындагы орто мектепке ыйгарылып, анда баатыр Гавриш Иван Фомич атындагы музей да уюштурулган. Ошондой эле Беловодск айылындагы №2 мектепке Степаненко Василий Васильевичтин ысымы берилген.

Мындан сырткары согуштун ардагерлери Абдыкул Жапаровдун, Шаршенкул Баялиевдин жана украиналык, Советтер союзунун 2 жолку баатыры Черняховский Иван Даниловичтин ысымын алган мектептер да бар.

Учурда Москва районунда Улуу Ата Мекендик согуштун ардагерлери жок. Алардын баарынын көзү өтүп кеткен.