Turmush — Ош шаарында курулуп жаткан көп кабатуу үйдүн 8-кабатынан кулаган куруучу каза болду. Бул тууралуу Turmush басылмасына жергиликтүү тургундар билдирди.

Алардын айтымында, окуя 2024-жылдын 6-майында болгон.

Бул маалыматты Ош ШИИБдин басма сөз кызматы тастыктап, аталган окуя маалыматтардын электрондук журналына кокустук катары катталганын билдирди.

Окуя тууралуу тез жардам кызматынан кабар келип түшкөн. 6-май күнү саат 14:35те Ош шаарынын Сүйүнбаев көчөсүндө курулуп жаткан көп кабаттуу үйдүн 8-кабатында ширетүү иштерин жасап жаткан куруучу кулап кетип каза болгон. Бул факт боюнча соттук медициналык экспертиза дайындалды. Каза болгон жаран Араван районунун тургуну — 1989-жылы туулган К.Н. экени белигилүү.

Учурда текшерүү иштери жүрүп жатат.